Аляксей Палуян
Аляксей Палуян нарадзіўся ў Беларусі ў 1989 годзе. У 2012 годзе ён пераехаў у Германію і вывучаў рэжысуру кіно і тэлебачання ў Вышэйшай мастацкай школе Каселя. Ён вядомы як рэжысёр кароткаметражных ігравых і крэатыўных дакументальных стужак, якія ўдзельнічалі ў кінафестывалях па ўсім свеце. У 2019 годзе ў Клермон-Феране адбылася прэм’ера яго кароткаметражнай драмы «Возера радасці» сумеснай вытворчасці Германіі, Беларусі і Іспаніі. Фільм атрымаў мноства ўзнагарод на міжнародных кінафестывалях, а пасля стаў намінантам на European Film Awards у 2020-м у катэгорыі кароткаметражных фільмаў і ўвайшоў у лонг-ліст прэміі Оскар у 2021-м як найлепшы кароткаметражны фільм. У 2021 годзе прэм'ера дакументальнага дэбюту Палуяна «Смеласць» (Courage) адбылася на 71-м Берлінскім міжнародным кінафестывалі, а затым фільм удзельнічаў у буйных кінафестывалях, сярод якіх IDFA, Visions du Réel, CPH:DOX, HotDocs, Sheffield Doc/Fest і Кракаўскі МКФ. Ён таксама трапіў у лонг-ліст прэміі Оскар у 2022 годзе. Аляксей — сябра Еўрапейскай кінаакадэміі і выпускнік Berlinale Talents (2022).
Кінарэжысёр, сцэнарыст
Фільмаграфія
Смеласць, 91 хв.
Возера радасці, 29 хв.
Парушэнне спакою, 17 хв.
Край жанчын, 26 хв.
Возера радасці, 29 хв.
Парушэнне спакою, 17 хв.
Край жанчын, 26 хв.
2021
2019
2018
2017
2019
2018
2017
Возера радасці
У маленькай беларускай вёсцы, дзе час быццам спыніўся, дзевяцігадовая Яся перажывае смерць маці. Бацька дзяўчынкі адпраўляе яе ў інтэрнат. Але аднойчы яна вырашае збегчы і вярнуцца дадому.
