Ці можна арганізоўваць масавы прагляд фільмаў з платформы VODBLISK?
Нам увесь час задаюць гэтае пытанне, і сёння мы адкажам, як этычна арганізоўваць такія паказы і чаму акурат так.
Сітуацыя з платформай VODBLISK тая ж самая, як, напрыклад, з Netflix, Apple TV+, Mubi ці Hulu: вы можаце глядзець фільмы з гэтых стрымінгавых сэрвісаў дома ў навушніках ці з сям’ёй, але рабіць тое самае для аўдыторыі ў любым іншым месцы лічыцца парушэннем аўтарскіх правоў.
Каманда VODBLISK прасоўвае ліцэнзійны кантэнт і не адабрае дзейнасць любых пірацкіх рэсурсаў — нават тых, якія выкладаюць кантэнт на беларускай мове ці беларускі кантэнт. Мы верым, што беларускае трэба прасоўваць з павагай да аўтарскіх правоў.
VODBLISK плаціць хоць і невялікія, але ганарары праваўладальнікам ды праваўладальніцам за размяшчэнне фільмаў на нашым сэрвісе. А ў выпадку з незалежным беларускім кіно гэта, як правіла, непасрэдна самі рэжысёры і рэжысёркі.
Калі паказаць фільм з нашага сэрвісу на 20 чалавек, то так перадусім парушаюцца правы беларускіх аўтараў і аўтарак, бо ў VODBLISK мы маем дазвол толькі на індывідуальны анлайн-паказ (= у нас няма правоў зацвярджаць дадатковыя афлайн-паказы на фільмы).
Сітуацыя з платформай VODBLISK тая ж самая, як, напрыклад, з Netflix, Apple TV+, Mubi ці Hulu: вы можаце глядзець фільмы з гэтых стрымінгавых сэрвісаў дома ў навушніках ці з сям’ёй, але рабіць тое самае для аўдыторыі ў любым іншым месцы лічыцца парушэннем аўтарскіх правоў.
Каманда VODBLISK прасоўвае ліцэнзійны кантэнт і не адабрае дзейнасць любых пірацкіх рэсурсаў — нават тых, якія выкладаюць кантэнт на беларускай мове ці беларускі кантэнт. Мы верым, што беларускае трэба прасоўваць з павагай да аўтарскіх правоў.
VODBLISK плаціць хоць і невялікія, але ганарары праваўладальнікам ды праваўладальніцам за размяшчэнне фільмаў на нашым сэрвісе. А ў выпадку з незалежным беларускім кіно гэта, як правіла, непасрэдна самі рэжысёры і рэжысёркі.
Калі паказаць фільм з нашага сэрвісу на 20 чалавек, то так перадусім парушаюцца правы беларускіх аўтараў і аўтарак, бо ў VODBLISK мы маем дазвол толькі на індывідуальны анлайн-паказ (= у нас няма правоў зацвярджаць дадатковыя афлайн-паказы на фільмы).
Што рабіць?
Мы разумеем і, безумоўна, ухваляем прагу глядзець і паказваць беларускае кіно. Найлепшым выйсцем тут стане такое рашэнне: вы можаце наўпрост звярнуцца да праваўладальніка ці праваўладальніцы фільма, які вы хочаце паказаць, і запытацца, на якіх умовах ён ці яна дазволіць вам паказ. Мы раім адразу пазначыць месца паказу, колькасць людзей, колькасць саміх паказаў, а таксама інфармацыю пра платны ці бясплатны ўваход. Калі атрымаеце дазвол, фільмакопію для паказу вам мусіць перадаць праваўладальнік ці праваўладальніца.
У якасці варыянта мы раім запытацца ў праваўладальніка ці праваўладальніцы пра тое, ці дазваляюць яны паказ фільма з платформы VODBLISK, каб аўтары не турбаваліся з перадачай файлаў. І калі дамовіцеся паказваць фільм з нашай платформы, то вы можаце набыць правы на прагляд за 5 даляраў, а таксама заданаціць нам мінімум 20 даляраў. На паказе можаце крыху расказаць пра сам наш праект, каб людзі далучаліся да платформы і глядзелі беларускае кіно на VODBLISK. Робячы так, вы падтрымаеце і незалежных беларускіх фільммэйкераў ды фільммэйкерак, і наш незалежны беларускі кінатэатр, а таксама не парушыце ніякіх аўтарскіх правоў.
Глядзіце і паказвайце беларускае кіно этычна. Гэта можна зрабіць на VODBLISK.
У якасці варыянта мы раім запытацца ў праваўладальніка ці праваўладальніцы пра тое, ці дазваляюць яны паказ фільма з платформы VODBLISK, каб аўтары не турбаваліся з перадачай файлаў. І калі дамовіцеся паказваць фільм з нашай платформы, то вы можаце набыць правы на прагляд за 5 даляраў, а таксама заданаціць нам мінімум 20 даляраў. На паказе можаце крыху расказаць пра сам наш праект, каб людзі далучаліся да платформы і глядзелі беларускае кіно на VODBLISK. Робячы так, вы падтрымаеце і незалежных беларускіх фільммэйкераў ды фільммэйкерак, і наш незалежны беларускі кінатэатр, а таксама не парушыце ніякіх аўтарскіх правоў.
Глядзіце і паказвайце беларускае кіно этычна. Гэта можна зрабіць на VODBLISK.