Фільм-споведзь.
Чацвёра, якія асабіста ведаюць Марыну, паведамляюць, што яны думаюць пра яе. Гэтыя людзі і ёсць чатыры колы фільма – сябры, калегі ды суседка па двары.
Гісторыі герояў перакрыжоўваюцца, рэальнасць уступае ў спрэчку з фантазіяй.

У пачатку фільма Марына з'яўляецца са шпагай у руцэ. Прыгажосць ды поспех – вось яе абарона. Але з кожным крокам бачна ўсё болей месцаў, дзе гераіня безабаронная. Кульмінацыя фільма прысвечана тэме кахання. У фінале гэтая тэма гучыць на новы лад. Розніца ў тым, што на гэты раз сіла фантазіі апраўдвае ўсё.

Эпілог – гісторыя пра люстэрка, якая паказвае, як самыя простыя рэчы дапамагаюць дасягаць незвычайных вынікаў. Перамога за творчасцю.

Фільм прызначаны толькі для індывідуальнага прагляду. Чаму?